Uchov arg‘imchoqda

Tasavvur qiling: bir kuni hech qaysi xaritada yo‘q joyga tushib qoldingiz. Yoningizda esa yana ikki notanish odam. Hech kim bu yerga qanday kelganini ham, nega aynan uchovingiz bir joyda ekaningizni ham bilmaydi. “Uchov arg‘imchoqda” — Luiji Lunerining tanlov, noma’lumlikdan qo‘rquv, inson tabiati va hayotda aslida nima muhim ekanini anglash haqida hikoya qiluvchi falsafiy komediyasi. Bu spektaklda kulgi ham bor, absurd ham. Oddiy va yengil suhbatlar ortidan esa asta-sekin jiddiy savollar ochila boshlaydi. Javoblar esa tayyor emas — har bir tomoshabin ularni o‘zi uchun topadi.